Ish-zëvendësministër i Punëve të Brendshme dhe ish- deputet i Kuvendit të Kosovës, Zafir Berisha sot ka përfunduar në pranga të Policisë së Kosovës.

Ai është arrestuar në Prizren, pasi derisa pjesëtarët policor i shqiptuan gjobën për kundërvajtje, ai e kishte grisur atë dhe kishte nisur të ofendonte pjesëtarët e Policisë së Kosovës.

Madje, Berisha ka shkuar aq larg sa ka tentuar t’i sulmojë pjesëtarët e policisë, shkruan arbresh.info.

Zëdhënësit të Policisë së Kosovës për Rajonin e Prizrenit, Vesel Gashi konfirmoi arrestimin e Berishës, duke shtuar se është arrestuar nën dyshimin se ka sharë, fyer dhe sulmuar zyrtarët policore, të cilët i kishin shqiptuar një gjobë për kundërvajtje në trafik.

“Policia personit në fjalë ia kishin shqiptuar një gjobë për kundërvjatje në trafik. Pas shqiptimit ai e ka grisur gjobën edhe ka filluar t’i shajë zyrtarët policorë e më pas edhe i ka sulmuar fizikisht. Ai është shoqëruar në stacionin policor, ku po intervistohet. Në vazhdim do ta shohim se çka do të vendos prokurori i shtetit”, tha Gashi./arbresh.info/

LEXO EDHE

LAJMI I FUNDIT/ Arrestohet Zafir Berisha – Arbresh.info